Konnsd du Boarisch?!?

Chorus:
Hä!! Du!! Konnsd du Boarisch?? Woassd du übahabds wos I vo dir mäch??
Hä!! Du!! Konnsd du Boarisch?? Wenn ned dann is des äa schlecht!!
Mir sann koane Rassistn, aba oida wos bistn, wenn du heidsdogs ned Boarisch konnsd??
Dialekt is voi im Trend, jäda woas der Bayern kennd, nirgends scheint a hellane Sunn!!


Verse 1:
Wenn oana moand, dassa sei Kind gscheid erziagd
In dema oiwei grod Hochdeitsch mied eam redd,
Na is der eindeutig geistig retadiad
Auf guad Boarisch schlicht und oafach a Depp

Verse 2:
Meistns kinnan de Kandidatn säiba ned Hochdeitsch
Und wenn na so oana mied „Seinem Kind so reden tut:
‚Du tust jetzt dein Zimma aufräumen tun, sonst hatts was und zwar gleich!’
Tut das der Entwicklung von dem Kind sicha ned so gut.“

Link:
Und so froge dann des Kind,
De Frog, der mir olle unweigalich ausgsetzt sind:


Chorus:
Wia vorher!!


Verse 3:
Schlimma sann no de, de eigndlich Boarisch rehn,
Aba moanan des war „uncool“ und sie desweng vastäin.
Breissld da Schweinsteiga wieda ummanand im Fernsehn,
Dade eam manchmoi am liabstn oane bräin.

Verse 4:
Wo ma äh grod beim Fernsehn sann,
Es is a Frechheit wos ma do so head und siggd
Wurschd ob Silbaeisn oda Dahoam is Dahoam
De rehn grod noFernseh-Breissn-Boarisch, unsa Sprach wird vergewaltigt

Link:
I frog de Dialektstraftäter,
Seids es oafach z’bläd, oda tatsächlich Kulturvaräter??


Chorus:
Wia vorher!!


Verse 5:
Boarisch is aa in Liadtexte grod beliebt,
Weil sie sie oafach guad verkaffd
Und wenns aa inhaltlich ned vui hergibd
Mied Pseudo-Dialekt is gwies dass im Radio laffd

Verse 6:
Richtung Oktobafest finden sie oiwei baar Isarbreissn,
Blassdigledahosn, rosa Hemmad, Bauchnobeausschnitt
Jodln wia Schwulandn, BarbyDiandl a da Reissn
An Text aus grod drei Wörter und scho hossd an Wiesn-Hit

Verse 7:
Wos mi indressian dad, seggds es in so am Liad
An Text mied Botschaft, der a Gschicht vazäid??
Machds es Muse aus am Gfui, des lebt, in eich pulsiad,
Oda diktiad do S’Mänädschment und Gier aufs Gäid??

Link:
Mir lossn uns ned fia bläd vakaffn,
Gebds ma a Antwort auf mei Frog, machds eich zum Affn!!


Chorus:
Wia vorher!!